Pantailarik gabeko "normaltasunera" itzultzeko irrikitan gaude.
Eguneko Zentroetako eta Egoitzazkoak ez diren programetako erabiltzaileek gure profesionalekin aurrez aurre egoteko nahia azaldu digute.
Lagun estimatuak:
Azken datuen arabera Koronabirusak eragindako egoera larriak hobera egin du eta poliki poliki "normaltasun berrira" bueltatzen ari gara.
Lehenik eta behin egoitzazko zentroetan dauden erabiltzaileen portaera eredugarria izan dela azpimarratu nahi nuke. Bi hilabete luze hauetan ezin izan dira egoitzetatik irten.
Bigarrenik, beraien etxeetara joan behar izan zuten erabiltzaileen jarrera ere goraipatzekoa izan da, baita beraien senideena ere. Teknologi berriei (Bideo deiak) eta ez hain berriei (telefonoa) esker beraiekiko kontaktua ez da inoiz galdu eta banakako nahiz taldekako terapiak egin ahal izan dira.
Azkenik erakundearen profesional guztiek egoera berri honetara egokitzeko erakutsi duten ahalmena eta prestutasuna goraipatu nahiko nituzke.
Hurrengo astelehenetik aurrera (Maiatzak 25) duela bi aste baino gehiago burutzen ditugun banakako arretaz gain, taldekako arretarekin ere hasiko gara, beti ere gehienez 10 pertsoneko taldeetan eta noski segurtasun eta higiene neurri guztiak bermatuz.
Izaskun Sasieta Larrañaga - Izan Fundazioko Programen Zuzendaria.
Iruzkinak
Iruzkin bat idatzi