Bloga

Erroten bidaia

Lasao-ko etxe guztiarekin batera, 2 errota bisitatzeko aukera eduki dugu. Lehenengo, Loiolako Igara errota ikustera hurbildu ginen. Bertan, Eko-etxeko langile batek errotaren funtzionamendua eta historia azaldu zigun eta hortaz gain, aspaldian egiten zen bezala, martxan ikusteko aukera eduki genuen.

Ondoren, errota zaintzen duen emakumeak, Walquiriak, bere etxera gonbidatu zigun, bertan, irina egiteko duten errota ikustera. Denok batera irina egiten egon ginen, 5 bat kilo egitea lortuz, eta egia esan, oso esperientzia polita izan zen. Lehen nola lan egiten zen ikusteko aukera edukiz eta zenbateko lana izaten zen ulertuz.

Egindako irinari probetxua emateko, denak batera, sukaldea prestatu, eta Lasaon taloak egin genituen, afari eder batekin arratsaldeari bukaera emateko.

Eskerrak eman nahi dizkiogu Walquiria eta bere senarrari haien etxeko ateak irekitzeagatik, Plazer bat izan da haiek eta haien bizimodua ezagutzea.